Ég hjálpa fyrirtækjum og félögum að ná betri yfirsýn yfir reksturinn, taka upplýstari ákvarðanir og byggja upp fjármálastarf sem styður við markmið fyrirtækisins.
Ég hef starfað í yfir áratug við fjármálastjórnun, greiningar og stefnumótun, bæði hér heima og erlendis. Meðal verkefna sem ég hef leitt eru innleiðingar fjárhagskerfa, þróun rekstrarlíkana, gerð stjórnendamælaborða og ráðgjöf við stjórnendur og eigendur í flóknum ákvörðunum.
Reynslan spannar allt frá íslenskum nýsköpunarfyrirtækjum til alþjóðlegra tæknifyrirtækja á borð við Klarna í Svíþjóð og ZOE í Bretlandi. Hvort sem um er að ræða tímabundin verkefni, ráðgjöf eða hlutastarfandi fjármálastjóra (fractional CFO), legg ég áherslu á að: * veita skýra innsýn í stöðu fyrirtækisins með gögnum og greiningum, * tryggja að ferlar og verkfæri styðji við vöxt og skilvirkni, * og að fjármáladeildin sé virkur samstarfsaðili í rekstri og stefnumótun. Markmiðið mitt er einfalt: að hjálpa fyrirtækjum að nýta fjármál sín sem virkan drifkraft til vaxtar, öryggis og árangurs.